PrimeWater ang nabaligya na sang Pamilya Villar.
Ini ang ginpahayag ni Bacolod Representative Albee Benitez sa interview sang DYHB RMN sa programa nga Straight to the Point, Lunes sang aga.
Sa interview ginsiling ni Benitez nga iya na lamang i-announce agudto mahibaluan na man lang gid sang pumuluyo nga nabaligya na sang mga Villar kag may maga sulod na nga bag-o nga tag-iya.
Madamo sang interesado damlag pa nga mag takeover sa PrimeWater, pero suno kay Benitez sang Hwebes ukon Biyernes lamang na conclude ang amo nga tikang.
May duha ka issue ang PrimeWater suno kay Benitez.
Una ang supply sang tubig yara lamang sadto sa 60 tubtob 70 million liters a day.
Ang target yara sa 100 MLD ukon sobra diri. Karon yara na sa 100 MLD gani na solusyonan na ini. Ika duha ang systema mismo nga naga lakip sang mga pipes, mga facilities nga kinahanglan sang islan bangud daan na.
Wala na ginpalayag ni Benitez kun ano nga grupo ang nag takeover sa PrimeWater pero gina paabot ang announcement sini nga semana.
Yara na sa water business kag wala man sang reklamo sa iya nga areas of coverage ang natungdan nga kumpanya nga maga takeover.
Ang importante nga ma ka invest para sa modernization program sang BACIWA nga damlag pa gin propose nga yara sa P1.5 billion pesos suno kay Benitez.
Damlag pa nag gwa na ang balita sang posibilidad sang pag baligya sang pamilya Villar sang PrimeWater.
May mga reklamo sang konsumedor batuk sa serbisyo kag kalidad sang tubig kasubong man reliabilty sang water services sang PrimeWater.*