Ginbaligya na sang Villar Group ang 100% sang Primewater Infastructure Corporation sa Crystal Bridges Holding Corporation sang Lucio Co Group, ang tag iya man sang Pure Gold kag S&R.
Ini ang gin anunsyo sang Villar Group sang kahapon.
Sa Negros Occidental magluwas sa Bacolod City, may joint venture agreement ang PrimeWater sa mga water districts sa Bago, Cadiz kag Himamaylan City.
Ang pila ka mga opsiyales sang sini nga mga LGU ang nangin vocal sa nangin problema sa idalom sang PrimeWater, kalabanan sa reklamo amo nga wala nag abot ang ginpasalig nga pagpaayo sang serbisyo.
Si Bacolod City Mayor Greg Gasataya damlag pa nagsiling na nga luyag niya makig sugilanon sa bag-o nga naga panag-iya sang PrimeWater para masolbar ang problema sa tubig sa Bacolod.
Para naman sa kay Councilor Wilson Jun Gamboa Jr., nga humalin pa sadto naga pamalabag na sa joint venture agreement sang Baciwa kag PrimeWater, nagapang duha na lang nga issue kun sin-o na ang naga panag-iya sang water utility company.
Para sa iya ang pag-rescind ukon ang pag kansela sang kasugtanan ang iya sa gihapon nga panawagan kay indi ini bentaha sa mga konsumedor.*