Nagapabilin ang price freeze sa siudad sang Bago, angut sa nagapadayon nga pag paidalom sini sa state of calamity bangud sang epekto sang Bagyo Goring. Ini suno kay Bago City Mayor Nicholas Yulo nga nag paathag nga ang price freeze sa mga basic goods ang automatic sa lugar nga napaidalom sa state of calamity.
“We convened our Price Montoring Council man with the help of the DTI representative. Gina monitor gid naton as directed by the national memo”, suno kay Yulo.
May 20,000 sadto ka mga indibidual sa Bago City ang na apektuhan sang mabunok nga ulan nga epekto ni Bagyo Goring. Padayon ang pag panghatag sang non food items suno kay Yulo kag wala pa liwat maka sapol ang Disaster Risk Reduction Management Council. Samtang, naga pabilin naman nga estable ang presyo sang baboy sa merkado sa Bago. Nagnubo man ang supply suno kay Yulo bangud sang pag igo sang masakit sa mga baboy pero may shift naman sa demand sang mga pumuluyo.