34 ka mga manugbaligya sang palupok natalana magtukod sang stalls sa Reclamation area sa Bacolod.
Preventive measures ginapasiguro sa designated firecracker area.
Magluwas sa mga signages ginapasiguro sang Bureau of Fire Protection nga nakaplastar na ang mga fire extinguishers kag balde sang tubig nga kinahanglan antes suguran ang pag-display sang mga palupok sa likod sang Pope John Paul II tower sa Reclamation area nga amo ang designated area para sa baligyaan sang palupok.
Suno kay City Administrator Boyer Maghari, may 34 tanan ka mga vendors ang na-aprobahan para makabaligya sang palupok kag pyrotechnics.
Sa Disyembre 21 suguran ang pagtukod kag pagbukas sang mga baligyaan sang palupok sa lugar. Indi na tugutan ang pag park sang mga truck nga masami nagaluto sang pagkaon malapit sa amo nga area.
Magatalana man sang firetruck kag personnel ang BFP.