Nagapabilin nga maayo ang presyo sang baklanay sang humay. Pero, indi naman madula sa mga rice farmers ang kabalaka nga basi liwat magtay-og ang presyo karon nga na lift na ang ban sa importation sang bugas.
Ginsiling ni Pedro Limpangog ang presidente sang Federation of Irrigators Association of Central Negros-Bago River Irrigation System ukon FIACN-BRIS naga pabilin sa P20 per kilo ang baklanay sang humay.
Patapos karon ang ani sa northern district kag manug sugod naman ang ani sa southern district.
Gani may naga kaigo nga supply sang bugas. Tubtob lamang sang December ang importation ban sa bugas.
Suno kay Limpangog nalipay sila sa maayo nga presyo sang humay karon kay makabawi sila. Pero indi malikawan ang ila man kabalaka nga basi masulit sadto ang pagbarato sang baklanay sa humay nga nangin mabudlay para sa ila nga makabawi sa ila nga gin gasto.
Ang Department of Agriculture ang nag porma sang technical working group para mag oversee sang rice importation kag sa pag paseguro nga mapabilin ang stable nga supply kag presyo sang bugas sa merkado.
Target sini amo nga ang actual nga rice import volume ang maka hatag sang alibyo sa retail prices pero indi naman mag apekto sang supply nga gikan sa mga local producers.
Ang wholesale price karon sang sako sang bugas suno kay Limpangog ang yara sa 2,100 ang sako. Sadto 1,990 ang sinako sa wholesale.
“Nagakahangawa man ang aton nga mangunguma. Basi bala gulpi naman magbulusok ang presyo sang humay, amo man na gina lantaw naton. Wala pa nahuman ang harvest naton. Sige-sige pa ang harvest naton. Diri sa north district, sal-on naman sang south district naton. Naglabay ta sa area sang Valladolid, may ara na gani ga pula-pula na. Daw mga 2 weeks, one week masugod na didto. Ang sa north patapos na”, suno kay Limpangog.*
[sibwp_form id=1]