Nagligad lang nga bulan sang magsaka sa halos sais shientos pesos ang 50 kg nga tanke sang LPG.
Gani karon pa lang ginapreparahan na sang kadam-an nga mga magagmay nga negosyante kasubong sang mga kalan-an ang dugang nga tres pesos nga saka sa bili sa kada kilo sang LPG.
Ang kalan-an nga gina-ubrahan ni Mercy Solquio, sadto anay sa inasal lang nila gina gamit ang uling…. Subong pati na sa iban nga niluto.
May iban naman nga naga-gamit sang butane nga ginagamit man sang pila ka mga residente.
Ang panadero nga si Samuel Descatiar, ginapaabot ang pagsaka sang 11 kilogram nga lpg tank sa 1,050. Gani nagabakal man sila sang tag biente sais pesos nga canister sang butane agud indi ma-alangan ang iya ginabaligya nga mga tinapay.
Bwas nga adlaw may rollback nga masobra sa treinta sentimos sa bili sang diesel pero may saka na naman nga masobra sa piso kada litro sang gasolina.
Ang gina kakulbaan sang mga magagmay nga negosyante parehos nanday Mercy kag Samuel nga basi sa sunod sunod nga saka sang bili sang produkto petrolyo basi magsaka na ang bili sang mga naga panguna nga mga balaklon sa merkado kag pati sila mapilitan man magpasaka sang presyo.