Presyo sang mga utan kag panakot sa pila ka mga merkado nagsaka karon nga Paskwa.
Sang nagligad nga semana nagahamboy lang sa P80 tubtob 85 pesos ang kilo sang Bombay sa Libertad Public Market pero karon yara ini sa 100 pesos ang kilo.
Kasubong man sini ang kilo sang patatas nga mabakal anay sa P85 ang kilo apang karon nagalab-ot na sa P110 ang kada kilod.
Ang ahos nagsaka man sa tag-125 pesos ang kilo halin sa P115 tubtob P120 lang sadto.
Ginpahayag sang pila ka mga retailers nga maiwat ang supply sang mga lamas kabangdanan sang pagsaka sang presyo.
Sa pihak sang paglupok sang Bulkan Kanlaon nagpabilin naman sa normal ang supply kag presyo sang mga utan sa mga mercado.
Ang talong kag margoso ang yara sa 80 pesos ang kada kilo.
Ang pechay nagapabilin sa 50 pesos ang kilo, 60 pesos naman ang kilo sang baguio beans kag tag-P70 ang kilo sang sibuyas dahon.