Shadow

Presyo sang karne sang baboy nagsaka

Masobra sa 18 pesos ang average nga saka sa presyo sang baboy sa District 2 sa probinsya.

Sa weekly monitoring sang Provincial Veterinary Office, sa mga siudad kag banwa sakop sang District 2, na record ang may pinaka daku nga saka sa presyo sang baboy sa merkado. 18 pesos kag 33 sentimos ang average nga saka sa February 14 nga monitoring report.

248.33 ang average nga presyo sang kada kilo sang baboy sa District 2. Sa District 4 naman, 15 pesos ang average nga saka sa kada kilo sang baboy. 265 pesos naman ang average nga presyo sang kada kilo sang baboy sa District 4. Sa duha ka mga distrito na record ang tuman nga saka sa presyo sang baboy sa merkado.

Suno kay Provincial Veterinarian Dr Renante Decena, ginalantaw nila nga posible ang supply sang gin ihaw nga mga baboy sa amo nga mga distrito ang manubo sa natungdan nga tion.

Isa man sa ginalantaw ang pagsaka sang produkto petrolyo nga naga apekto sa gasto bahin sa pag transport sang sini nga mga produkto. Dugang pa ni Decena nag saka man ang presyo sang feeds.

Samtang, sa third district naman namutikan ang tres pesos nga saka sa presyo sang dressed chicken.

Secured By miniOrangeSecured By miniOrange