Presyo sang baklanay sang baboy sa Manila ang nagsaka na kun ipaanggid sa nagligad nga sinemana.
Gin paiway anay sang mga hog raiser ang pag deliver sang baboy sa Leyte kasunod sang kabudlayan tuga sang pag ban sang Cebu sang pagpasulod sang baboy kag pork products gikan sa Negros Island sa ila nga probinsya.
Wala man makasabat si Governor Gwendolyn Garcia sa sulat sang probinsya nga tugutan ini sa paglabay kag pagpasulod sang baboy kag pork meat products bangud nagapabilin man nga green zone ukon African Swine Fever free ang Negros Occidental.
Suno kay Provincial Administrator Rayfrando Diaz ginpakamaayo na lamang sang mga negosyante nga mag deliver sang livestock kag goods sa mga lugar nga wala sang restriction.
Kasunod man sang mando sang national government nga pagpauntat sang pag import sang pork products isa ang probinsya sa karon sa mga supplier sa National Capital Region.