Presyo sang kilo sang baboy sa nagkalain-lain nga merkado sa probinsya ang yara sa 250 pesos ang pinaka barato kag yara naman sa 340 pesos ang pinaka mahal.
Ini suno kay Provincial Veterinarian, Dr Placeda Lemana nga nagpaathag nga madamo sa karon ang supply sang baboy sa probinsya tungod nga naka recover naman gikan sa African Swine Fever nga nag igo sadto.
P120 ang kilo naman ang pinakabarato nga live weight sang baboy sa auction market kag P150 ang pinaka mahal.
Pero karon nga December na, kag may okasyon ginapaabot ang pag mahal sang bili sang baboy bangud sang demand sa holiday season.
Sa pihak nga bahin may kahalitan man nga na tuga sa mga kasapatan labi na sa 4th kag 5th District ang pag igo sang sunod-sunod nga bagyo. Ang poultry isa sa mga apektado suno kay Lemana pero sa karon wala man sang pag bag-o sa presyo sang manok.
“Actually damo gid ang aton nga supply kay tungod nga naka recover na kita sa ASF. Wala na ta mga cases. Nakita namon kadamo na gid sang baboy that’s why nag barato na ang baboy sa auction market”, suno kay Lemana.*
[sibwp_form id=1]