Fluctuating ukon saka panaog ang presyo sang karne sang baboy sa probinsya.
Sa weekly monitoring sang Negros Occidental as of January 26, ang average nga presyo sang kada kilo sang baboy ang yara sa P295.75.
Mga salapi ang average nga saka sa kada kilo kun ipaanggid sa monitoring report sang nag ligad nga semana.
Suno sa Office of the Provincial Agriculturist sa Himamaylan ang may pinaka mahal nga presyo sang baboy – P350 ang kilo kag sa Calatrava kag Toboso naman ang may pinaka barato nga kilo sang baboy – P260.
Suno kay Dr Placeda Lemana, ang provincial veterinarian, padayon man ang monitoring kontra sa African Swine Fever kag sa monitoring wala na sang may gin-report namutikan ukon nakita nga sintoma angut sa ASF.
“So far wala report kag wala man sa amon surveillance. Kay naga conduct kami surveillance, naga collect kami dugo kada district. So far wala man sang result nga naga positive. Wala man report ang aton mga lgus kag paravets nga may nakita sila sang signs and symptoms sa field sa baboy”, suno kay Lemana.*