Presyo sang baboy sa merkado ang nagbarato.
Damo ang supply sa karon dala man sang paniempo suno sa hog raisers association.
Sa pila ka merkado karon sa probinsya yara sa 230 tubtob 250 pesos ang kilo sang baboy gikan sa sadto anay 280 pesos tubtobb 300 pesos ang kilo.
Paathag ni Ric Lauron ang presidente sang Alliance of Hog Raisers Association of Negros Occidental ang pag nubo sang presyo dala man sang pag damo sang supply.
Humalin sang pag igo sang African Swine Fever sadto, nag amat-amat naman gid balik ang pagsagod sang baboy.
Ika duha suno sa iya, ang ini nga mga binulan antes sang gina tawag “Ber Months”, madiutay sang mga okasyon ukon manubo ang demand rason man sang pag damo sang supply.
“Nag drop gid ang aton nga presyo. Number 1, daw nag balik-balik naman gid ang aton nga supply that is one of the major reasons, nga daw nag drop gid ang aton presyo sang baboy subong. Ang second reason is ang trend sang aton swine industry, pag abot gani sining gina hambal naton nga tigkiriwi, kay man August subong, dira gina expect naton ma drop ang
presyo pero pag abot sang Ber Months ma amat-amat naman na taas”, suno kay Lauron.
Ang live weight sa karon suno sa iya yara sa 140 tubtob 160 pesos per kilo.