Presidente Ferdinand Marcos, Jr., nagpasalig nga iya pirmahan na nga mangin isa ka layi ang Negros Island Region Bill. Naga pabor si Presidente Marcos nga ipaidalom sa isa ka rehiyon ang Negros Occidental, Oriental kag Siquijor.
Para sa iya, mabudlay ang pagdala sang serbisyo sang gobyerno sa mga pumuluyo kun malayo ang regional offices parehos na lamang sa Negros Oriental nga kinahanglan pa nga magtabok sa Regional Centers sa probinsya sang Cebu. Luyag niya nga maplastar ang tanan sang eksakto.
Sa idalom sang NIR Act, iga-split ang mga regional offices sa Occidental kag Oriental Negros nga maka resulta sa pagtuga sang growth areas.
Sang nag ligad lang nga bulan sang gin aprubahan na sa senado ang third kag final reading ang NIR Act kag suno sa presidente kun maka lab-ot na ini sa iya, iya ini nga pirmahan.