President Ferdinand Marcos, Jr., magatukod sang Task Force para sa long term solutions para sa mga evacuees nga naga puyo sa palibot sang Bulkan Kanlaon.
Sini nga hapon ginbisita sang presidente ang mga evacuees sa La Carlota Elementary School South 2. May ayuda kag mga food packs nga ginpanagtag sa masobra 300 ka mga pamilya.
Ginsapul sang presidente ang PHIVOLCS kag iban nga mga government agencies kaupod ang mga local officials.
Suno sa kay Presidente Marcos gin istoryahan nila ang long term kag short term solutions para sa evacuees.
Isa na diri ang pagtukod sang task force nga maga tutok sa mga long term solutions nga pamunuan sang Office of the Civil Defense.
Dugang pa niya may mga gin hatag nga mga suhestyon ang mga alkalde kag mga gobernador nga para sa iya sarang mapatuman.
Isa man diri amo ang relocation site sa gwa sang danger zone para enkaso ipasaka sa alert level 4 ang bulkan, may dalal-an sang mga pumuluyo nga luwas sa peligro.
Bilang short term solution nagpasalig ang presidente nga magapadayon ang bulig sang gobyerno mentras tanto nga yara pa sila sa mga evacuation centers.