Pag gamit sang face mask sa open spaces sa karon ang voluntary na. Ini kasunod sang pag pa gwa sang Executive Order ni Presidente Ferdinand Marcos Jr subong nga adlaw.
Sa EO nakasaad ang pagtugot sang voluntary nga pag gamit sang face mask sa open spaces kag non crowded areas nga may yara sang maayo nga ventilation. Pero ang mga indi fully vaccinated individuals, mga senior citizen kag immunocompromised individuals ang labing ginahaylo nga mag gamit sang face mask. Sa tanan nga tion dapat nga mapatuman man ang physical distancing.
Magapabilin naman ang pag gamit sang face mask sa indoor private ukon public establishment, lakip na ang public transportation ayhan sa eroplano, barko, bus ukon jeep, kasubong man sa outdoor settings kun sa diin indi mapabilin ang physical distancing.
Ang minimum public health standards ang padayon naman nga ipatuman.
Ang DOH ang gina manduan sa pag update sang amo nga guidelines. Maga take effect naman gilayon ang amo nga order.
Sang Biyernes, nag pa gwa man sang EO si Governor Eugenio Jose Lacson nga naga mando sang optional nga pag gamit sang face mask outdoors santo sa recommendation sang NIATF kag DOH.
Panugyan sang gobernador sa publiko nga gamiton ang common sense para mapangapinan ang kaugalingon kontra Covid -19 labi na nga yara man ini sa gihapon bisan gin halugan na ang mga restriction.
Sini lamang may duha nga gin report Covid death ang probinsya. 176 naman ang active cases sang Negros Occidental as of September 11 nga report sang Provincial Incident Management Team.
Kasunod sang amat-amat nga pagbalik sa normal, ginalauman ang pagsaulog sang Panaad sa Negros Festival kag iban pa gid nga LGU Festival kasunod sang pagbalik sang MassKara Festival sin inga Oktubre.