Sa Setyembre 13 naka schedule ang preliminary hearing sa administrative charges nga na file batuk sa pamuno sang Provincial Human Resource Office.
Suno kay Atty Alberto Nellas, Jr. ang provincial legal officer, nabaton nila ang sabat ni Atty Anabelle Palic, ang PHRMO, kag ni Atty Japhet Masculino ang anay pamuno sang Office of the Provincial Agriculturist nga luyag nila magpaidalom sa formal investigation hearing, rason nga gin schedule ang preliminary hearing nila sa amo nga petsa.
Ginalauman sa preliminary hearing ang pag plastar sang issue, marking sang documents, pag pat-od sang mga witnesses kag iban pa. Sarang sila makadala sang ila kaugalingon nga legal counsel.
Mahimo nga mag pa gwa sang executive order nga maga pat-od sang mangin katapo sang hearing committee. Suno kay Nellas, indi naman sarang pa nga ma settle ang reklamo batuk sa duha bangud sa sahi sang complaint nga ila gina atubang.
Opression, conduct prejudicial to the best interest of the service, grave misconduct and for being notoriously undesirable ang gin-file batuk kay palic base sa reklamo sang pila ka mga empleyado kag retirees.
Ang kaso naman ni Masculino may kaangtanan sa wala mabayaran nga catering service nga mga isa ka milyon ka pesos nga na-avail na.