Shadow

Prelim investigation sa 5 ka mga empleyado sang OPA natapos na

Na submit na sang Provincial Legal Office kay Governor Eugenio Jose Lacson ang ila sini nga recommendation angut sa pre-liminary investigation sa lima ka mga katapo sang Office of the Provincial Agriculturist nga damlag pa ginreklamo sang misuse of government vehicle.

Suno kay Atty Alberto Nellas, Jr., karon nga yara na kay Governor Lacson ang ila nga recommendation ini ang iga deliberate.

Depende sa gobernador, bilang disciplining authority, mahimo nga iga dismiss ang reklamo batuk sa ila, ukon maga proceed sa pag file sang administrative charges kag kun kinahanglanon ang pag patuman sang preventive suspension.

Gin papanaugan sang show cause order ang lima nga naga lakip sang isa ka division head bangud sang gina alegar ila nga mis-use sang government vehicle.

Sila ang gindul-ong paagi sa capitol cab service para sa pagsinapol sa Victorias pero naglapaw na sa las cinco sang hapon wala pa sila maka balik sa salakyan nga naghulat sa ila. Base sa show cause order sila ang yara sa isa ka kalan-an kag naabtan nga naga inom-inom pasado las 8 sang gab-i.

Sabat naman sang division head amo nga indi nila maindian ang hospitality nga gin pakita sa ila.

Secured By miniOrangeSecured By miniOrange