Ginahulat karon sang Bacolod Emergency Operations Center ang report gikan sa PNP kag Business Permits and Licensing Division may angut sa isa ka event nga ginhiwat sa the Market Place antes sang adlaw sang Valentine’s Day kun bala may paglapas sa local health protocols kag iban nga pagsulundan.
Makit-an sa video nga ginpadala sa DIGICAST NEGROS nga may isa ka mini concert nga ginhiwat sa amo nga lugar kag may mga nagalantaw nga mga pumuluyo sa palibot.
Suno sa deputy for medical sang Bacolod EOC nga si Dr. Chris Sorongon, sila ang nakapakig angut naman sa tagdumalahan sang establisimiento para magpangayo man sang paathag may angut sa natabo nga event.
“Ang BPLO they confirmed that there is no special permit that was granted to conduct any concert or any event sa Market {lace or any parts of Bacolod City for that matter galing may gina clarify lang kita nga ti may ginahambal nga it was not actually a pre-Valentine concert so may mga kulang pa nga information,” suno kay Sorongon.
Nagpanugyan naman ang markets cluster head sang siudad nga si Ernie Pineda sa alkalde nga pasugtan ang mga vendors sa Libertad Market nga makabaligya sa dalan humalin las sais sang gab-i tubtub las sais sang aga kag ang vendors naman sa downtown area humalin lais sais sang gabi tubtub las dose sang kaagahon.
Ini bilang sabat sa mga vendors nga napahalin sa kilid sang dalan tuga sang road clearing operations sang Department of Interior and Local Government.
Suno kay Pineda, estriktuhon sang mga vendors nga masunod ang minimum health protocols kag may pahanugot man dapat sang Bacolod EOC kag National Inter Agency Task Force.
“Ang proposal ko nga butangan nalang oras kay ti ang oras nga 6 na wala naman na tanto traffic mo. Daw gamiton ta temporaryo ang dalan para sa ina nga alternative solution sa displaced vendors,” suno kay Pineda.
Kun mapahunugutan gid man ang rekomendasyon ni Pineda kinahanglan pa ini nga maglabay sa Sangguniang Panglungsod bangud kinahanglan sang pahanugot para sa pagsira sang dalan nga pagabutangan sang displaced vendors.