42 ka mga estudyante halin sa kindergarten, grade 1 asta grade 4 ang balik sa classroom para sa una nga adlaw sang limited face to face classes sa Apolinario Mabini Elementary School sa Bacolod kaina sang aga.
Nalipay kag nangin emosyonal ang pila ka mga manunudlo kag school staff nga natigayon nila nga nakita liwat ang mga estudyante makaligad ang duha ka tuig epekto man sang Covid-19 pandemic.
Kalabanan sa mga estudyante ang nakapabakuna kag iban nagpirma sang waiver para sa vaccination bilang requirement sa pagbalik sang face to face classes sa Bacolod.
Fully vaccinated naman ang mga school personnel pati ang katapo sang ila panimalay.
Strikto man nga ginapatuman ang minimum health protocol sa buluthuan.
Kinahanglan ang pag suksok sang face mask, pag check sang temperature kag paghugas sang kamot antes makasulod sa klase ang mga kabataan.