Ginmando sang Energy Regulatory Commission ang pagbawi sang Provisional Authority to Operate ukon PAO nga ila gin hatag sa power provider sa isla sang Siquijor nga amo ang Province of Siquijor Electric Cooperative Inc. ukon SIPCOR sang pamilya Villar.
Ang amo nga mando ang effective subong nga Biyernes, Agosto 29, 2025.
Ini ang gin anunsyo ni Energy Secretary Sharon Garin kasunod sang nakit-an nga violations sa PAO nga nag resulta sa power crisis sa probinsya sang Siquijor.
Ang brownouts sa Siquijor ang naga lawig sang lima tubtob kinse ka oras kada adlaw gani nagdeklarar ang probinsya nga kabahin sang Negros Island Region sang state of emergency.
Samtang naga dagsa nga naga dagsa ang mga turista sa Siquijor naga lala nga naga lala ang problema sa power supply.
Gani naga reklamo ang mga residente kag dako ang pamierde sang mga negosyante.
May bag-o na nga power provider para sa probinsya nga amo ang Total Power Inc.