Gin-alegar nga ginsunog sang apat ka mga armado nga persona ang isa ka poultry farm sa Purok Mabuhay, Brgy. Sagasa syudad sang Bago lunes sang kaagahon.
Suno kay Fire Officer 2 Joeman Alvarez ang imbestigador sang Bureau of Fire Protection – Bago City, suno sa mga trabahante sang poultry farm, samtang nagakatulog sila, may nagsaka kag nagsulod nga duha ka mga persona sa ila compound.
Gingapos sa mga suspetsado nga armado.
Ginahibalo pa sang otoridad kun nasunog lang ukon hungod nga ginsunog ang poutlry.
Damlag pa may nagpadala sang sulat sa tag iya sang poutlry nga si ka dodong nga naga pangayo sang suporta.
Matapos ang sunog, may sulat naman nga ginbilin ang nagpakilala nga ka badong nga naga siling nga sampol pa lang ini kag may upod pa nga duha ka bala.
Suno sa kay Police Colonel Rainerio De Chavez ang Provincial Director sang Negros Occidental Police Provincial Office, wala sang presensya sang mga armado nga persona nga ara sa likod sang pagpangsunog sa poultry farm.
Dugang pa ni De Chavez, isa sa mga ginalantaw nga motibo sa natabo nga sunog ang indi pagintiendehanay sang magpamilya kung sa diin nasunog ang kapin dos mil ka mga manok kag nagdangat sa 850,00 pesos ang gintuga nga halit sang kalayo.
Gina usisa sang PNP ang posibilidad nga naga pakuno kuno lang ang mga nagsunog sang poultry nga mga rebelde para magpamahog.