Yara sa 6.59 percent sa karon ang positivity rate sang probinsya sang Negros Occidental.
Ini base sa datus sang Teresita Lopez Jalandoni Provincial Hospital Molecular Lab sa Aug 1-9 period. Sa 2,186 ka mga sample, 144 ang nagpostibo sa Covid–19.
Suno kay Atty Rayfrando Diaz tuman ang pagnubo sa karon sang positivity rate kun ipaanggid sa nagliligad nga bulan ilabi na sang Abril kun sa diin may pagtimbuok sang kaso sang Covid–19.
Sa datus sang amo nga molecular lab, 16.03 percent ang positivity rate sa bulan sang Abril kag ini ang nagapanubo humalin pa man sadto.
Suno kay Diaz, sa tunga sang sitwasyon sang iban nga mga lugar sa Western Visayas dala sang pagpanghangkat sang Delta variant, napabilin sang probinsya ang iya sitwasyon nga suno sa doh maayo, Bangud na plastar sang probinsya ang mga logistical tool sini. Nalakip diri ang early detection, early isolation kag treatment, amo man ang plastado nga vaccination program kag ang border control.