Low Pressure Area sa sulod sang Philippine Area of Responsibility ang may low nga tsansa nga mangin isa ka bagyo.
Magadala ini sang ulan pati na ang hangin Habagat.
Ginapaabot ang pag ulan sa Negros Occidental sumugod subong nga adlaw tubtob sa bwas.
Samtang ang La Niña ginapaabot sa masunod nga binulan sa Pilipinas.
May posibilidad sang pagluntad sang La Niña suno sa PAGASA sa ila monitoring kag ini base sa ginpagwa nga advisory sang ahensya.
Posible ini matabo sa September-October-November season tubtob October-November-December season.
Kun may La Niña, buot silingon mas madamo nga bagyo ang magasulod sa Pilipinas samtang nagapalapit ang katapusan sang tuig kag mas madamo ang pagtupa sang ulan sang sa normal nga ulan nga naga abot sa Pilipinas.
Gani ginapahalong ang tanan sa posible pagluntad sang baha kag landslide.