Full road closure ipatuman sa portion sang dalan Lacson halin sa corner sang Cottage Road asta 15th Street sa Lunes.
Ginabulubanta nga masobra sa 20,000 ka mga katapo sang Iglesia ni Cristo ang magabuylog para sa natalana nga National Rally for Peace sa Capitol Lagoon sa Lunes.
Gani gin-aprobahan sang konseho sang siudad ang pagpatuman sang full road closure halin sa Cottage Road malapit sa atubang sang SSS-Bacolod asta na sa South kag North Capitol road kag 15th Lacson Street.
Ang road closure ang magasugod las sais sang aga asta las 12 ang tungang gab-i.
Ginsiling ni Bacolod Traffic and Transportation Management Department Deputy Jose Antonio Robello nga kasubong sang pagsaulog sang tuigan nga MassKara Festival, ipatuman ang one-way scheme sa dalan Gatuslao kag Aguinaldo kabahin sang re-routing plan.
Ang mga depasahero nga salakyan gikan sur pakadto sa norte ang sarang magliko sa Cottage Road palapos sa Aguinaldo Street pakadto sa Bangga Ramos.
Ang Gatuslao Street ang para naman sa mga southbound vehicles.
Ang BTTMD ang magatalana sang 75 ka traffic personnel para mapahagan-hagan ang pag-gutok sang lakat sang mga salakyan.