Shadow

Pork meat kag pork products gikan sa Panay kag Guimaras gin ban sa Negros

YouTube player

Pork kag pork meat products gikan sa isla sang Panay kag Guimaras ang gina dumilian na sa pag sulod sa probinsya.

Gin mando ni Negros Occidental Governor Eugenio Jose Lacson ang banning sang pagsulod sang buhi nga baboy, boar semen, pork, pork products kag iban pa nga pork related items gikan sa Panay kag Guimaras, nga naga lakip sang probinsya sang Iloilo, Antique, Capiz, Aklan kag Guimaras. Ini kasunod sang gin-report sang Provincial Veterinary Office sang Iloilo sang nagligad nga Oktubre 13 ang suspected African Swine Fever sa Oton, Iloilo.

Suno sa gobernador, daku ang threat sang ASF sa probinsya labi na nga isa ang Negros Occidental sa mga major producers.

Gina panugyanan ang mga alkalde nga magpatuman sang tikang para mapasiguro nga mapangapinan ang industriya. Suno kay Dr Placeda Lemana, OIC-Provincial Veterinarian, ginapatuman naman gid nga daan ang mga checkpoints kag checking sa mga puerto kag airport sa mga naga sulod nga produkto bangud sang ASF Prevention Ordinance, karon naka alerto pa gid sila, labi na nga kaingod probinsya ang may suspected ASF case.

“Indi naton ma risgo ang 6 billion peso swine industry sang Negros Occidental. Na-identify na naton ang possible entry. May ara kita sa Banago, fast craft and roro. Plus Valladolid, Pulupandan, EB Magalona, Victorias, Himamaylan, may gagmay na da nga ports. Sipalay, Hinigaran, so all the livestock inspectors kay may ara kita district offices, mobilized na ang aton district units. So alert na ni sila”, suno kay Lemana.

Secured By miniOrangeSecured By miniOrange