Temporaryo nga gin ban sang Cebu ang pagsulod sa ila ngaprobinsya sang pork kag pork meat products gikan sa isla sang Negros.
Sa Executive Order nga gin pa gwa ni Governor Gwen Garcia, nakasaad ang pag ban sa buhi nga baboy, lakip na boar semen, pork kag pork-related products gikan sa isla sang Negros ang magalawig sang 30 diyas nga nagsugod na gilayon kagmagatapos Abril 5.
Sa ASF surveillance activity sa Carcar, Cebu ginkumpirmar sang Bureau of Animal Industry Animal Disease Diagnostic and Reference Laboratory ang detection sang ASF DNA.
Sa EO nakasaad nga ang samples nag gikan samga baboy sa barangay stockyard nga naka impon upod sa mgababoy gikan sa isla sang Negros. Suno kay Provincial Administrator Rayfrando Diaz, upod ang siudad sang Bacolod sila ang maga pa gwa sang join Executive Order nga nagapatuman sang pagdumili man sang pagsulod sang pork kag pork meat products gikan sa Cebu kasunod sang amo ngadevelopment para man mapangapinan ang hog industry sang Negros Occidental.
Magapadala man sila sang letter of appeal saCebu para i-hinyo ang amo nga pagdumili. Suno kay Diaz unfair ang pag patuman sang banning bangud ang BAI man lamangang maka deklara nga may ASF cases ang isa ka lugar, kagtubtob sa karon naga pabilin nga ASF free ang Negros Occidental.
May impormasyon na ang probinsya nga may mgasupplier na sang baboy nga maga padala sang shipment saTacloban kag sila ang gindumilian na sang Cebu. Kun indi gid matigayon suno kay Diaz abiso nila sa mga supplier amo ngamag pangita na lang anay sang iban nga mga customer.