Padayon nga banned ang pagsulod sa probinsya sang baboy, karne sang baboy kag iban pa gid nga pork related products nga gikan sa mga lugar nga may reported nga kaso sang African Swine Fever.
Sa Executive Order nga gin pa gwa ni Negros Occidental Governor Eugenio Jose Lacson, may total ban sa pag pasulod sang buhi nga baboy, karne sini kag iban pa gid nga pork related products gikan sa Luzon, Mindanao, Region 8, Panay Island, Guimaras Island, Probinsya sang Cebu, Camotes Island, Bantayan Island, Negros Oriental, Bacolod City kag iban nga pungsod nga may kaso sang ASF sandig sa deklarasyob sang department of Agriculture.
Paathag ni Governor Lacson, luyag sang probinsya nga makabalik sa anay estado sini nga isa sa mga pinaka daku nga producer sang backyard hogs sa pungsod. May pila na ka mga lugar sa probinsya nga amat- amat na ang recovery gikan sa ASF kag naga handa na para sa repopulation. Suno kay Lacson, dark green ang classification sang probinsya. Kun ang Negros Occidental producer, ang Bacolod naman consumer suno sa gobernador.
“We are still hopeful that we can recover from the losses sa ASF and we would like to get back to that status of being one of the biggest producers of backyard hogs. So we will still strictly follow the protocol. We will not allow any, especially from red zone, any pork products to enter our province”, suno kay Lacson.
Gin-ako man ni Lacson nga mangin mabudlay ang monitoring sang probinsya labi na nga nagbukas na ang Bacolod kag ang Bredco Port nga pinaka dako nga puerto ang yara sa Bacolod City kag indi na ini sa jurisdiction sang Negros Occidental.
Pero ang probinsya ang maga pangita sang pamaagi para mapatuman ang pagdumili sang pagsulod sang baboy gikan sa mga red zone.
“We’ll find ways on how to monitor it that indeed their deliveries are in Bacolod only”, suno kay Lacson.
Sa EO sang gobernador may pila ka mga exemption sa ban kaangay sang processed pork products nga naluto, transshipment sang imported pork pero ini ang may mga upod nga condition kag requirements.