Shadow

Pontevedra PNP naga paandam batuk sa kawatan nga naga pakilala bilang isa ka manunudlo

Pontevedra PNP photo

Gina paandaman sa karon sang Pontevedra PNP ang mga pumuluyo sang banwa batuk sa bag-o nga modus sang mga kawatan ukon budol-budol nga ang gina biktima naman amo ang mga kabataan nga wala sang upod sa mga puluy-an.

Gin post sa social media saang Pontevedra Police Station ang pag paandam ilabi na sa mga ginikanan bangud ang modus sang mga kawatan amo nga sila ang nag pakilala sa mga kabataan nga wala sang upod sa balay nga sila ang manunudlo sang Department of Educaation kag ila ini gina tudluan sa ila nga module. Pero ang ila intensyon amo ang pag kuha sa mga kagamitan sa sulod sang balay kasubong kwarta.

Suno kay Police Captain Hancel Lumandaz, pamuno sang Pontevedra PNP, sila ang nakabaton sang report nga sa isa ka grade 2 student amo ang gin biktima sang kawatan kag iya gin kuha ang cellphone kag isa ka libo nga cash sa sulod sang balay. Amo ini ang nag tulod sa PNP para ipaandaman gilayon ang mga pumuluyo sa banwa.

Secured By miniOrangeSecured By miniOrange