Benitez administration indi mag gamit sang pondo halin sa Special Education Fund para ipangbakal sang libre nga school supplies.
Nakasaad sa Educational Materials for Public Elementary Students ordinance nga gin author ni anay Councilor Ceasar Distrito ang pagtalana sang pondo para sa pagbakal sang libre nga mga school supplies sa mga estudyante.
Suno kay Mayor Albee Benitez indi mahimu magamit sang siudad ang pondo halin sa Special Education Fund amo nga tinguhaan nila nga liwat mapangitaan sang pamaagi agud may mabaton nga libre nga school supplies ang mga estudyante sa public elementary schools.
Si Councilor Al Victor Espino nga amo ang pamuno sang Committee on Education sang konseho ang nakigsugilanon naman sa alkalde para mapat ud ang igatalana nga pondo para sa pagbakal sang school supplies.
Humalin sang nagligad nga tinuig, nagalab ot sa masobra 68,000 ka mga estudyante ang naka ambit sang libre nga mga notebook, lapis kag bolpen pati na mga bags sa 47 ka mga public elementary schools sa Bacolod.