Pondo para sa gina duso nga Negros Island Region ang na aprobahan. Pagpasar sang hagna sa lower house ang gina lauman.
Kasunod sang pag approve sang Committee on Appropriations, ini ang iga-endorse sa Committee on Rules para sa second reading sa plenary suno kay 6th District Representative Mercedes Alvarez.
Ang second reading magalakip sang plenary debates, tubtob sa ini ang mapasar sa third and final reading kag ma forward sa senado.
Suno kay Alvarez ang Committee on Appropriations ang nag suggest nga ang initial budget ang iga charge sa current budget sang Department of the Interior and Local Government.
Tintuyo sini nga ma porma ang Technical Working Group nga mismo ang Office of the President ang maga pamuno.
Nalakip man sa TWG ang mga gobernador sang tatlo ka probinsya kag mga alkalde sang banwa kag mga siudad.
Gina paabot ni Alvarez nga tigayon mapasar ang hagna sa Lower House.