Sa Quick Response Fund na sang OCD kuhaon ang pondo nga damlag pa ginhinyo sang mga LGU nga apektado sang Bulkan Kanlaon.
Samtang gina hingagaw naman malakip sa 2026 budget ang pondo para sa Kanlaon Recovery and Development Plan.
Sa pagsinapol sini lamang nga semana upod kay Office of the Civil Defense, Officer in-charge, ASec Bernardo Alejandro, natalakay ang mangin source of fund sa damlag pa ginhinyo sang La Castellana, La Carlota, Canlaon City kag Himamaylan City.
Suno kay OCD NIR Director, Donato Sermeno, III, nakasugtan sa QRF na sang OCD kuhaon ang pondo, pero iga subject ang ila nga mga proposal sa validation.
Paathag ni Sermeno, gina paabot ang pag lain sa kantidad karon nga naka balik naman sa ila nga mga puluy-an ang mga pumuluyo nga gin-evacuate sang yara sa Alert Level 3 ang bulkan.
Damlag pa ginpaagi sa Department of Budget and Management ang pag process para sa natungdan nga pondo nga sa kabilugan nag dangat sa 203 million pesos.
Suno kay Sermeno indi na lamang madayon ang paagi sa DBM.
Indi naman kinahanglan mag padala liwat sang proposal ang mga LGU, kundi ang mga mahimo adjustment ipaagi na sa tion sang validation.
Samtang, sa una nga semana sang Setyembre maga tipon ang mga nagkalain-lain nga stakeholders nga nalakipan sang mga apektado nga LGU para sa Kanlaon Recovery and Development Plan.
Ang pondo nga kinahanglanon suno kay Sermeno ang hingagawon submit para malakip sa 2026 nga budget proposal.
Wala pa sang pat-od nga kantidad para sa diri sa karon.
“I-prioritize anay sang LGUs lang iya nga urgent need gid. Kay kun dunganon tanan to ma ubos ang QRF. (ma resend proposal ang mga LGU?)
Indi na. Sa original proposal didto na himay-himayon. Tagaan nila detalye. Kay kun liwaton na naman madugayan na naman ang proseso”, suno kay Sermeno.