Natalana nga magasaylo ang mga pulis sang BCPO-Police Station 5 sa bag-o nga PNP standard building sa kilid sang Bantug Lake Ranch sa national highway sang Barangay Granada sa siudad sang Bacolod, sa una nga semana sang Enero 2024.
Suno kay P/Maj. Joery Puerto, ang station commander sang Police Station 5, halos kumpleto na ang mga electrical connection kag ang tubig sa bag-o nga police station rason nga ginplano sini ang temprano pa nga pagsaylo sa bag-o nga building.
Nagpasalamat si Puerto sa kay Michael Lawrence Bantug, Presidente sang Bantug Lake Ranch Development nga nag-donate sang 500 square meters nga duta kag kay Abang Lingkod Rep. Stephen Paduano nga naghatag sang 10 milyones pesos nga pondo agud mapatindog ang bag-o nga PNP Standard Building.