Pasakaan sang kaso nga frustrated murder ang duha ka mga suspek nga nagtiro sa isa ka collector sa Purok Sabes, Brgy. Villamonte siudad sang Bacolod sang Miyerkules.
Suno sa kay Police Captain Francis Depasucat ang hepe sang Bacolod City Police Station 4, nagapabilin nga at large ang duha ka mga suspek nga sanday Raffy Tortosa kag Martin John Beatingo.
Dugang pa ni Depasucat, may mga kaso sa Bacolod City Police Station 4 ang duha ka mga suspek nga may kaangtanan sa iligal nga droga kag si Tortosa ang bag-o lang guwa sa prisohan kag gikan sa Manila.
Sa karon ara na sa estable nga kondisyon ang biktima nga si Wllilfredo Buyco, Jr., nga collector sang baligyaan motor.
Istorya sang biktima nasal-an siya sang duha ka mga suspek nga pulis kag gilalayon na lang nga gintiro apang nakapalagyo siya.
Padayon pa ang pagpangita sang PNP sa mga suspek.