Unod sang mga group chat sang mga negosyante sang kagab-i nga may natabo nga abduction sa kilid sang Bacolod City Police Office sa gwa sang Social Development Center ukon SDC sa Bacolod.
Ginkadtuan sang DIGICAST NEGROS ang amo nga lugar kaina sang aga.
Wala sang may taga SDC nga nag atubang pero siling sang naga bantay sa gate wala sang abduction nga natabo kag kun ano man ang natabo sang kagab-i wala siya makahibalo kay sini lang siya nga aga naka duty.
Suno sa mga residente malapit sa SDC nakibot na lang sila sang kagabi sang hinali na lang nga may nag nilagsanay sa dalan.
Paathag sang director sang sang Bacolod City Police Office nga si Col. Manuel Placido, wala sang abduction nga natabo.
Kun may kinagamo gid man sa gwa sang SDC bangud nga napalagyuhan sila sang duha ka mga medor de edad nga nga ginakabig nga children in conflict with the law.
Suno sa DSSD Bacolod, ang duha ka mga menor de edad nga naka palagyo sa pasilidad sang SDC ang may mga kaso angut sa iligal nga droga.