Nakakuha na sang kopya sang CCTV footage ang PNP may angut sa natabo nga pag paniro sa parking lot sang SM City Bacolod sang kahapon.
Suno kay Major Ramel Sarona, hepe sang Police Station 1, isa ka lalaki sa gwa sang parking lot amo ang nakita nga nag tiro sang salakyan.
Gin hulat sang lalaki nga mag gwa sa mall ang tag iya sang salakyan kag iya gin tiro ang iya sini nga Ford Everest.
Nasalabat man ang tupad sini nga Toyota Grandia. Dugang pa ni Sarona, posible, pagpamahog lang ang tuyo sang gunman bangud damlag pa naka baton naman sang pagpamahog sa text ang tag iya sang salakayan.
May kaaway ini angut sa duta suno sa pulis nga amo ang ila gina tan-aw nga motibo sang pagpaniro.