Ang Termite Gang ang ginatudlo nga nag ransak sa Gaisano Mall sa San Carlos City sang Martes.
Suno sa kay Police Captain Honey Labaro ang Deputy Chief of Police sang San Carlos City PNP, ila nga natumod ang isa sa mga suspek matapos nga nakita sa CCTV ang hitura sang isa sa ila.
Dugang pa niya, may ara sang lima ka mga suspek nga gina lantaw nga amo ang nag ransak sa mall apang padayon pa nila ginatipon ang mga ebidensya batuk sa ila.
Nakig angut naman sila sa Bacolod City Police Office matapos nga may nagluntad man nga tuyo nga pagransak sang Super Market sa Barangay Sum-ag pero wala matigayon matapos mabatian sang mga gwardiya nga may naga paniltig sa idalom sang salog.
Sa drainage nag-agi ang mga suspek para maka sulod sa mall amo man sa supermarket sa Bacolod.
Igakumpara ang nakuha nga mga fingerprint samples para mahibaluan kun isa lang ini ka grupo.
Naka heightened alert naman sa karon ang PNP kasunod sang sini nga pag atake sang termite gang.
May kapin sa 1.5 milyones pesos ang nakuha sang mga suspek nga cash kag pagkabutang gikan sa mga stall kag stores sa mall.