Nakahanda na sa karon ang bug-os nga pwersa sang Negros Occidental Police Provincial Office sa pag bantay sa semana santa nga magasugod sa sini nga Dominggo tubtob sa Abril 3.
Gina paabot sang NOCPPO ang pag dugok sang mga sumalakay sa mga transport terminal gani ang mga police stations sa tagsa ka siudad kag banwa ang maga butang sang Police Assistance Desk sa mga bus terminal kag puerto.
Maga butang naman ang NOCPPO sang raod safety marshals kag traffic personnels sa mga dalanon agud magbantay sa mga dalanon.
May team man nga i depoy ang police stations agud sa gihapon mag bantay sa pag sunod sa minimum health standard ilabi na nga naga saka pa karon ang kaso sang COVID-19 sa probinsya.
Pagagamiton man sang NOCPPO ang 2,375 ka force multipliers nga maga bulig sa kapulisan nga sa gihapon padayon man ang pag pabilin sang kalinong sa tagsa ka mga banwa kag siudad.
Isa man sa gina bantayan sang kapulisan amo ang mahimo pag kuha sang oportunidad sang mga rebelde nga grupo sa paghimo sang kalakasan ilabi na nga maga saulog sang founding anniversary ang New People’s Army.