Gin klaro ni Police Station 1 commander, Major Leo Estopa, nga wala sang confiscation nga natabo sa bahin sang kapulisan ukon sang DENR kag wala man sang coordination gikan sa DENR para i recover ang mga kahoy nga gina alegar gikan sa mga gin pang utod nga kahoy sa old airport kag nakit-an nga yara sa sa bahin sang Puentevella Subdivision sa Barangay Taculing.
Si Estopa nag siling nga sila ang nag responde lang sa reklamo nga trespassing kag coercion sang isa ka private individual nga nag reklamo sa mag amay nga kaingod nga niya kag gina siling nag sarahe sang mga kahoy sa iya sini nga private lot.
Iya naman gin pakakas ang ini nga mga kahoy.
Dugang pa ni Estopa, indi nila masiling kun diin halin ang mga kahoy kag kun bala amo gid man ini ang gin pang utod sa gwa sang old airport bangud sa sila ang nag responde lang sa reklamo.
Wala sang kung sin-o man sa DENR ang naking angut sa ila suno kay Estopa.