Nasapwan nga patay ang isa ka lalaki nga lapsag sa kilid sang suba sa Hacienda Mataas, Brgy. Sag-ang banwa sang La Castellana sang Martes.
Suno sa kay Police Major Nelson Amsiwen, Jr., ang hepe sang La Castellana PNP, nakita sang mga kabataan nga naglabay sa suba ang nagalutaw nga bangkay sang lapsag kag may pusod pa.
Suno sa PNP ila man na ginhinyo ang bulig sang health center sa amo nga barangay kay basi may record sang iloy nga nag bata.
Padayon man ang imbestigasyon sang kapulisan sa pagkakilala sang mga ginikanan sang nasambit nga lapsag kag sa rason kun ngaa yari ini sa suba.