Magapatigayon sang case conference ang Bacolod City Police Office sa pagpamuno ni City Director Police Colonel Noel Aliño kaupod ang Criminal Investigation and Detection Group may kaangtanan sa natabo nga pagpatay sa anay General Manager sang Northern Negros Electric Cooperative ukon NONECO nga si Atty. Danny Pondevilla.
Suno kay Aliño kun i-base sa polisa sang PNP, gina turn-over nila ang kaso sa CIDG kun sa sulod sang anum ka bulan wala sang development ang isa ka kaso. Suno kay Aliño, interesado siya sa kaso sang biktima kag iya usisaon ang lakat sang imbestigasyon. Si Pondevilla ang gintiro sa sulod mismo sang iya salakyan sa 17th Lacson St., Barangay 7, siudad sang Bacolod sadtong December 20, 2022 matapos nagtambong sa Christmas Party.