Magapakig-angot ang Philippine National Police sa nagkalain-lain nga ahensya pati na sa International Police ukon INTERPOL para madakpan si anay Negros Oriental 3rd District Rep. Arnulfo Teves Jr.
Suno kay Public Information Office Chief, P/Col. Jean Fajardo ang ini ang mangin tikang sang PNP ang kasunod sang pagpaguwa sang warrant of arrest sang Manila Regional Trial Court batuk kay Teves kag sa 12 ka iban pa bangud sa kaso nga murder, frustrated kag attempted murder may angut sa kamatayon ni Negros Oriental Governor Roel Degamo.
Aminado si Fajardo nga dako nga hangkat sa ila sa karun kun wala sang extradition treaty sa pungsod nga ginatiniran sang anay mamalidha.
Sa karun, nagapatigayon na man sang monitoring ang PNP sa ginahamtangan ni Teves.
Ginpasiguro sang PNP nga sa ti-on nga makabalik sa pungsod si Teves gilayon nila iserbe ang warrant of arrest batuk sa iya.
Una na nga ginpahayag ni Justice Sec. Jesus Crispin Remulla nga posible nga yara sa Southeast Asian countries lamang nagapanago si Teves kaangay sang Timor Leste, Cambodia kag Thailand.