Ginpahayag ni Bacolod City Police Office spokesperson, Police Lieutenant Liberty Indiape nga ang kapulisan ang maga patrolya sa mga motels kag pension houses sa Bacolod sa Dominggo ukon sa Valentines Day, agud ma seguro nga wala sang mga kabataan nga mag sulod sa sini nga mga establisyemento.
Si Indiape nag siling nga ang city director amo mismo ang naga pa estrikto sa pagbantay sa mga motels kag mga pension houses agud wala sang mga minors nga maka sulod sa diri.
Ginpaandaman naman suno kay Indiape ang mga business owners bangud sila amo ang maga atubang sang violations engkaso may mga minors nga mag sulod sa mga motels kag pension houses.
Gina paabot sang PNP ang pag damo sang mga maga padulong sa sini nga gma establisemento sa Dominggo bangud sa Valentine’s Day gani gina paandaman ni Indiape ang mga menor de edad nga indi gid mag padulong sa mga motels kag pension houses bangud indi pwede ang mga minors.
Panawagan man sang PNP sa ginikanan nga ila bantayan ang ila mga kabataan para indi magkadto kun sa diin diin nga mga lugar.