Negros Occidental PNP ang naga pahanumdom sa mga naga biyahe nga sa tanan nga tion mag halong labi na kun maulanon ang panahon.
Sini lamang, sunod-sunod man ang aksidente sa dalanon nga na report sini nga mga inadlaw.
Humalin sang nagligad nga semana, halos kada adlaw may aksidente sa dalanon nga naga luntad kag ang masubo may mga naga kautas nga kabuhi.
Suno kay Col Leo Pamittan ang PNPprovincial director, tuyo nya nga mag dayalogo sa tagsa ka LGU, tiglawas sang Department of Public Works and Highways kag Land Transportation Office bahin sa pagpamutang sang mga road signages para man mapaandaman ang mga naga biyahe.
Wala labot sini suno kay Pamittan pabaskugon man nila ang police visibility.
Sa sini nga pamaagi mapasiguro nga ang mga naga biyahe nga salakyan road worthy, ma monitor man ang mga truck labi na ang naga karga sang tubo kag mapasiguro nga ang pagbiyahe sang tagsa luwas sa peligro.
Sumugod naman sini nga semana suno kay Pamittan, ipatuman sang pulis ang one day off na lamang tigaylo sang two days off sa tinutuyo nga mapabaskog pa gid ang pagpatuman sang seguridad.