Sumugod sang gin recall ang mga kapulisan nga naga serbe security detail sa mga pulitiko, indi na pwede sa mga pulis nga basta na lang mag upod sa mga nagakandidato karon nga naga init na ang kampanyahanay.
Suno kay police Lt Col Arnel Solis, spokesperson sang PNP sa Western Visayas, ang Committee on the Ban of Firearms and Safety Concerns nga ginapamunuan sang national Comelec office amo ang may puder para magtalana sang PNP security detail depende sa hinyo sang mga kandidato nga mahimu may pagpamahig sa kabuhi.
Sandig sa Comelec Resolution 10728, kinahanglan man nga naka uniporme ang mga PNP personnel nga naga serbe bilang security escort sa mga kandidato.
Limitado man sa duha ka mga armado nga security detail ang pwede magserbe sa mga kandidato kag kun basehan ang alunan doctrine sarang ma disarmahan kag ma aresto ang sobra sa duha ka madakpan nagahupot sang pusil.