May kaangtanan sa trabaho kag ang masupog nga kampanya sa iligal nga droga ang kabahin sa mga gina tutukan sang Special Investigation Task Group nga motibo sa pagpatay kay Staff Sergeant Joseph Nepomuceno Jr. nga katapo sang City Drug Enforcement Unit.
Domingo sang gintiru kag napatay si Nepomuceno sang wala pa makilal-an nga riding in tandem sa Rosario Street sa Bacolod.
Pero tubtob karon, bisan ang pamuno sang CDEU nga si Police Lieutenant Eduard Bolivar ang indi pa mapat-ud kun bala may koneksyon ang pagpatay kay Nepomuceno sa pagkatikma sa maglive in partner nga sanday Glenn Paul Castillo kag Analie Baldevieso sa Barangay Cabug sang Agosto 21.
Si nepomuceno ang kaupod nila sang gindakop ang mag-live in nga suno kay Bolivar posible katapo sang illegal drug syndicate.
Ang utod ni Glenn Paul nga si May Castillo monge ang nagsiling nga inosente ang iya manghud kag wala ini sang kahilabtanan sa posible iligal nga hilikuton sang iya live-in partner nga si Analie
nga amo sadto ang target sa buybust operation sang CDEU.
Iya man ginpahayag nga wala sang kahilabtanan ang iya utod sa pagpatay kay Nepomuceno pero
Dako ang iya pagpati nga ang brutal nga pagpatay sa iya manghud nga ginpugutan pa sang ulo ang konektado sa pagpatay sa pulis.
Ang bangkay ni Castillo nga wala na sang ulo ang ginbilin sa lugar kun sa diin ginpatay sa pulis sang martes sang gab-i.
Ang iya nga ulo ang ginwigit sa Barangay 2.
Ang pamunuan sang Bacolod City Police Office ang nagpasalig na nga matagaan sang kalubaran ang magkasunod nga kaso sang pagpamatay pinaagi sa natukod nga Special Investigation Task Group.