May kopya na sang CCTV nga nakuha ang PNP sang oras nga natabo ang pag paniro sa reclamation area sa banwa sang Pontevedra kun sa diin ang Intelligence Officer sang Pontevedra PNP nga si Police Staff Sargeant Ildefonso Casugod amo ang ginpatay sang isa ka gunman.
Pero suno sa OIC sang Pontevedra PNP nga si Captain Hancel Lumandaz, ila pa maid id nga gina usisa ang CCTV bangud ang mga makita lang amo ang gina tudlo sang mga witness nga gunman pero indi makita iya mismo pag tiro sa pulis kag pagpalagyo.
Base sa mga nakasaksi, nagsakay gilayon sa nagahulat sa iya nga motorsiklo ang gunman.
Wala pa tubtob sa karon sang persons of interest ang PNP kag naga padayon pa ang ila imbestigasyon.
Ginmando na ni Pontevedra Mayor Jose Maria Alonso ang madasig nga imbestigasyon kag gilayon nga paghatag hustisya sa kamatayon sang pulis.