Provincial Legal Office sang Negros Occidental ang gina paabot nga mag patuman sang investigation angut sa kaso sang sadto municipal treasurer sang Isabela nga nadulaan sang cash kag tseke sang banwa sa iya nga puluy-an.
Suno kay Atty Alberto Nellas, Jr, nabaton na nila ang endorsement sa pag pangusisa sa kaso ni Nenette Escarda nga nag-report sa pulis nga ginsulod sang kawatan ang ila nga balay sa Bacolod kag nadula ang 6.4 million pesos nga balor sang cash kag tseke nga koleksyon sang banwa.
Na address ini kay Governor Eugenio Jose Lacson.
Sa karon ang nabaton ni Nellas ang incident report pa lamang.
Paathag niya mahimo nga wala sang municipal legal officer ang Isabela rason nga ginpatuhoy ang pagpangusisa sa provincial legal office.
Ano man ang mangin resulta sang pagpangusisa ini ang iga forward sa kay Mayor Irene Montilla nga amo ang disciplining authority ni Escarda.
Sa iya nga nakita, kinahanglan sang madalom nga imbestigasyon suno kay Nellas.
Una wala gina tugot ang pag bitbit sang kwarta sang banwa. Ika duha, wala man authorization nga nahatag kay Escarda para diri.
Sa karon si Jesse Gumapas ang acting treasurer sang banwa.
Samtang, ang Commission on Audit ang naga usisa man sa 7 million pesos nga gina alegar missing fund gikan sa town treasury suno sa Provincial treasurer.