Plastic holiday natalana ipatuman sa Bacolod agud mapahagan-hagan ang problema nga matuga sang plastic waste.
Truck-truck sang basura nga plastic ang ginahakot sang private garbage collector sang siudad karon nga masako ang ginapatuman nga declogging kag clearing operation sa mga drainage kag sapa.
Masami naga-resulta ini sa pagbaha kun tig-ululan.
Gani agud mapahagan-hagan ang problema plano sang Bacolod Environment and Natural Resources Office nga ilunsar ang plastic holiday sumugod sa Oktubre.
Ginsiling ni BENRO head Ma. Fe Trespuentes, nagpabutyag na sang kooperasyon ang mayorya sa mga commercial establishment kag pati na unibersidad kag kolehiyo sa pagpatuman sang plastic holiday kada Miyerkules ukon Domingo.
Ginkalipay man ni Councilor Em Ang nga nag-author sang No Single Use Plastic Ordinance sa seryoso nga pagpatuman sang pagsulundan sa tuyo nga mapangapinan ang palibot kag sa pagpahagan-hagan sang problema sa plastic