Pag revive sang daan nga puerto sa banwa sang Cauayan ang gina plano.
Ini ang isa sa ginalantaw ni Cauayan Mayor John Rey Tabujara nga ipatuman sa tinutuyo nga mapaayo ang pag sanyog sang negosyo kag ekonomiya sang banwa.
Ang daan nga puerto nga iya sang Maricalum Mining ang napahamtang sa Brgy Bulata.
Suno kay Negros Occidental Governor Eugenio Jose Lacson nahangpan niya nga naga pangita ang alkalde sang pamaagi para sa pagsanyog sang iya nga banwa.
Suno sa gobernador kinahanglan anay nga tun-an ang tikang labi na kun may stake pa ang Maricalum Mining sa amo nga puerto.
Suno sa gobernador, naga ugyon ang probinsya sa pag pursue sang amo nga plano.