Shadow

Plano nga recalamation project sa Dumaguete City gina protestahan

Nag pa gwa sang litrato sang nag ligad nga semana ang Dumaguete City PIO angut sang mangin itsura sang siudad sang Dumaguete sa gina propose karon nga 174 hectare reclamation project paagi sa private sector partnership nga maga develop sa siudad bilang isa ka smart city.

Kabahin sang development project amo ang nagalakip sang coastal water treatment lakip na ang pag butang sang esplanade, modern ferry boats, mga sporst facility, malls kag business hubs sa shoreline sang Dumaguete.

Gina tan-aw nga matapos ang land development nga naga balor sang 23 bilion pesos sa tatlo ka tuig.

Pero may mga grupo naman nga nag pamalabag sang sini nga proyekto sang siudad.

Kahapon nag patigayon ang nag kalain lain nga grupo kag concerned citizens sang peition signing kag protest rally batuk sa reclamation project bangud sa mangin epekto sini sa marine life pati na sa palangabuhian sa pila ka mga residente sa siudad.

Ang student body sang institue of environmental and marine sciences sang Siliman University ang nag paggwa man sang statement angut sa ila nga pag pamalabag.

Subong nga adlaw natalana ang pagpirma sang joint venture agreeement sa tunga sang Dumaguete City LGU kag Quezon City based company nga amo ang incharge sa development project sa coastal area sa Dumaguete.

Leave a Reply

Your email address will not be published. Required fields are marked *

Secured By miniOrangeSecured By miniOrange